Үйлчилгээний нөхцөл

Та loop.mn-г зөвхөн зохих хууль ёсны дагуу ашиглах ба вэбсайтыг буруугаар ашиглах, үйл ажиллагааг тасалдуулах, зөвшөөрөлгүй нэвтрэхийг оролдох, мэдээлэл цуглуулах, хуурамч захиалга өгөх, бусад хэрэглэгчдэд саад учруулах зэргийг хатуу хориглоно.

Зочлох, бүртгүүлэх, захиалга өгөх зэрэг бүх түвшний үйлдлүүд нь доорх нөхцөлийг зөрчсөн, аюулгүй байдалд эрсдэл учруулсан, эсвэл бусад хэрэглэгчдэд хохирол учруулсан гэж үзвэл бид таны хандалтыг түр зогсоох эсвэл бүрэн хязгаарлаж болно.

Хэрэглэгч системийг ашиглан 24 цагийн аль ч цагт хэдэн удаа ч захиалга хийж болно. Захиалгын төлбөр 48 цагийн дотор төлөгдөөгүй тохиолдолд захиалга автоматаар цуцлагдана. Үнийн зөрүү, системийн алдаа, хуурамч эсвэл эрсдэлтэй гэж сэжиглэгдсэн захиалга, барааны нөөц дууссан, мөн тээвэрлэлтийн хязгаарлалт үүссэн тохиолдолд бид захиалгыг хэсэгчлэн эсвэл бүрэн цуцлах, мөн захиалгын тоо хэмжээнд өөрчлөлт оруулах эрхтэй болно.

Та гаалийн мэдүүлэг, хүргэлт болон холбоо барих мэдээллээ үнэн зөв, бүрэн гүйцэд оруулах үүрэгтэй. Бүх захиалга нь төлбөр амжилттай баталгаажсаны дараа боловсруулагдаж, хүргэлтэд шилжих болно. Мэдээлэл буруу эсвэл дутуу оруулснаас үүдэн гарсан саатал, хүргэлтийн асуудалд хэрэглэгч өөрөө хариуцлага хүлээнэ.

Бараа бүтээгдэхүүний үнэ, урамшуулал болон бэлэн байдлын мэдээлэл нь урьдчилан мэдэгдэлгүйгээр өөрчлөгдөх боломжтой. Мөн татвар, гаалийн хураамж болон хүргэлтийн төлбөр нь таны байршил, хүргэлтийн нөхцөлөөс хамааран нэмэгдэж болох бөгөөд боломжтой тохиолдолд эдгээр мэдээллийг захиалга баталгаажуулах хэсэгт урьдчилан харуулна.

Хэрэглэгч нь бараа бүтээгдэхүүн болон үйлчилгээний мэдээлэлтэй сайтар танилцаж, захиалгынхаа мэдээллийг давхар нягтлах үүрэгтэй. Захиалгын төлбөр амжилттай төлөгдсөн тохиолдолд тухайн захиалгыг цуцлах, буцаах эсвэл солих боломжгүй болохыг анхаарна уу.

Зөвхөн, хэрэглэгчийн хүлээн авсан бараа нь үйлдвэрлэлийн гэмтэлтэй, ашиглах боломжгүй эсвэл ажиллахгүй байгаа тохиолдолд бараа буцаах хүсэлтийг холбогдох нотлох баримтын хамт нийлүүлэгчид дамжуулна. Үйлдвэрлэгч эсвэл нийлүүлэгчээс тухайн барааг буцаахыг зөвшөөрсөн хариу ирсэн нөхцөлд буцаалт болон төлбөр буцаан олголтын үйл ажиллагаа хийгдэх болно.

Бид бараа бүтээгдэхүүний тайлбар, үнэ, өнгө, зураг болон бусад мэдээллийг аль болох үнэн зөв, бодитой байдлаар харуулахыг зорьдог. Гэсэн хэдий ч бүх мэдээлэл нь бүрэн гүйцэд, хамгийн сүүлийн үеийн эсвэл алдаагүй байхыг бүрэн баталгаажуулахгүй бөгөөд барааны бодит өнгө, харагдах байдал нь хэрэглэгчийн төхөөрөмжийн дэлгэцийн тохиргоо, гэрэлтүүлэг болон үйлдвэрлэгчийн шинэчлэлтээс шалтгаалан ялгаатай байж болно.

Мөн брэндийн нэр, лого, зураг, текст, дизайн болон вэбсайт дахь бусад бүх мэдээлэл нь loop.mn болон түүний холбогдох лиценз эзэмшигчдийн оюуны өмч болно. Эдгээрийг урьдчилан зөвшөөрөлгүйгээр хуулбарлах, дахин нийтлэх, өөрчлөх, түгээх эсвэл арилжааны зорилгоор ашиглахыг хатуу хориглоно.

Хүргэлтийн тооцоолсон хугацаа нь зөвхөн ойролцоогоор гаргасан мэдээлэл бөгөөд баталгаат хугацаа гэж тооцогдохгүй. Гаалийн шалгалт, тээвэрлэлтийн саатал, цаг агаарын нөхцөл байдал, тээвэрлэгч байгууллагын үйл ажиллагаа болон давагдашгүй хүчин зүйлсээс шалтгаалсан хоцролт нь бидний шууд үүрэг, хариуцлагаас гадуур байх болно.

Зарим бараа бүтээгдэхүүн нь хүргэлтийн улс, бүс нутаг, тээвэрлэгч байгууллагын бодлого болон тухайн барааны онцлогоос шалтгаалан илгээхэд хязгаарлалттай байж болно. Иймд хориглосон барааны жагсаалт хуудсанд заасан бүх төрлийн бараа, бүтээгдэхүүнийг манай платформоор дамжуулан худалдаалах, хүргэх болон хэрэглэгчдэд санал болгохгүй болно.

Улс хоорондын тээвэрлэлт нь захиалга амжилттай хийгдэж, төлбөр бүрэн баталгаажсанаас хойш ойролцоогоор 7–21 хоногийн дотор хэрэглэгчид хүргэгдэнэ. Тухайн хүргэлтийн хугацаанд хэрэглэгчид захиалгын явцыг хянах боломжтой код болон хүргэлтийн мэдээллээр тогтмол хангаж ажиллана. Хүргэлтийн хугацаа нь гаалийн шалгалт, тээвэрлэлтийн нөхцөл байдал болон давагдашгүй хүчин зүйлээс шалтгаалан өөрчлөгдөх боломжтой.

Монгол Улсын Гаалийн тухай хууль болон холбогдох бусад хууль, журам, дүрэмд заасны дагуу гаалийн байгууллага нь бараа бүтээгдэхүүн, тээврийн хэрэгсэл болон улс хоорондын шуудан илгээмжийг гаалийн шалгалтад хамруулах зорилгоор саатуулан шалгах эрхтэй.

Түүвэр ачааг гаалиар мэдүүлэх явцад гаалийн улсын байцаагчийн шийдвэрээр хэрэглэгчийн барааг тухайлан мэдүүлэх шаардлага үүсэж болох бөгөөд энэ тохиолдолд тухайн бараа 3 хүртэлх хоногийн хугацаанд гааль дээр саатаж болно. Бараа саатсан талаарх мэдээллийг хэрэглэгчид мэдэгдэх бөгөөд шаардлагатай тохиолдолд хэрэглэгчийн мэдээллийг гаалийн байгууллага болон холбогдох албан тушаалтанд хүргүүлэх боломжтой.

Хэрэглэгч системийн үйл ажиллагаанд холбогдуулж санал хүсэлт, зурвасаар гомдол гаргах эрхтэй бөгөөд санал хүсэлт, гомдлыг цахим хэлбэрээр хүлээн авч яаралтай хариу мэдэгдэнэ. Бидний зүгээс өгсөн хариу болон авсан арга хэмжээнд та сэтгэл хангалуун бус байгаа тохиолдолд та Монгол Улсын шүүхэд хандаж маргааныг шийдвэрлүүлэх боломжтой.

Сайт зүгээс үйлчилгээний нөхцөлд өөрчлөлт оруулах эрхтэй бөгөөд өөрчлөлт оруулсан тохиолдолд тухай бүр нийтэд нээлттэй нийтлэх бөгөөд хэрэглэгч нь танилцах үүрэг хүлээнэ.