2026 он 05 сарын 01 өдөр

Нууцлалын бодлого

Энэхүү нууцлалын бодлого нь loop.mn платформ ямар төрлийн мэдээлэл цуглуулдаг, тухайн мэдээллийг хэрхэн ашиглаж, хадгалж, хамгаалдаг талаар тайлбарлах бөгөөд нууцлалын бодлого нь Монгол Улсын Хүний хувийн мэдээлэл хамгаалах тухай хуульд үндэслэн Хэрэглэгчийн хувийн мэдээллийг цуглуулах, боловсруулах, ашиглах, аюулгүй байдлыг хангахтай холбоотой харилцааг зохицуулна.

1. Мэдээлэл цуглуулах

Бид хэрэглэгчийн овог нэр, и-мэйл хаяг, хүргэлтийн хаяг, утасны дугаар, төлбөрийн мэдээлэл болон хэрэглэгчээс сайн дураар илгээсэн бусад мэдээллийг цуглуулж, боловсруулж, ашиглаж болно.

Мэдээлэл хариуцагч нь хэрэглэгчийн мэдээллийг энэхүү бодлогод зааснаас өөр зорилгоор цуглуулах, ашиглах, дамжуулахгүй бөгөөд мэдээллийг боловсруулахдаа үнэн зөв, бүрэн бүтэн байдлыг хадгалах, мэдээллийн аюулгүй байдлыг хангах зарчмыг баримтална.

Мөн системийн аюулгүй байдал, технологийн шинэчлэл, хэрэглээний сайжруулалт болон хууль бус хандалтаас урьдчилан сэргийлэх зорилгоор дараах техникийн мэдээллийг автоматаар цуглуулж болно. Үүнд:
- IP хаягийн мэдээлэл
- Веб хөтөч болон төхөөрөмжийн мэдээлэл
- Ашиглаж буй үйлдлийн систем
- Хэрэглэгчийн бүртгэлд нэвтэрсэн хугацаа
- Байршлын болон бараа хайлтын мэдээлэл зэрэг болно.

2. Мэдээллийг боловсруулах

Цуглуулсан мэдээллийг системийн найдвартай, тасралтгүй, хэвийн ажиллагааг хангах, үйлчилгээг сайжруулах, платформыг хөгжүүлэх, мөн хэрэглэгчийн хэрэгцээ, сонирхолд нийцсэн илүү хялбар, ухаалаг үйлчилгээ үзүүлэх зорилгоор ашиглана.

Мөн бид хэрэглэгчийн хувийн мэдээллийг бүртгэл үүсгэх болон удирдах, төлбөр боловсруулах, хүргэлт зохион байгуулах, хэрэглэгчийн дэмжлэг үзүүлэх, залилан мэхлэлт болон хууль бус үйлдлээс урьдчилан сэргийлэх, түүнчлэн системийн гүйцэтгэл, аюулгүй байдлыг сайжруулахад ашиглаж болно.

Үүнээс гадна мэдээллийг хэрэглэгчид захиалга, бүртгэлийн үйл ажиллагаа, хүргэлтийн мэдээлэл, үйлчилгээний өөрчлөлт, бодлогын шинэчлэлт болон бусад чухал мэдэгдлийг хүргэх үйлчилгээний мессеж илгээх зорилгоор ашиглаж болно.

3. Мэдээлэл хуваалцах

Бид хэрэглэгчийн мэдээллийг зөвхөн үйлчилгээний хэвийн ажиллагааг хангах, дэлгүүрийг ажиллуулахад шаардлагатай тохиолдолд хуваалцана. Үүнд манай нэрийн өмнөөс үйлчилгээ үзүүлдэг төлбөрийн системийн үйлчилгээ үзүүлэгчид, хүргэлтийн компаниуд зэрэг багтаж болно. Эдгээр гуравдагч талууд нь мэдээллийг зөвхөн тухайн үйлчилгээ үзүүлэх хүрээнд ашиглах эрхтэй бөгөөд хэрэглэгчийн мэдээллийн нууцлал, аюулгүй байдлыг хамгаалах давхар үүрэг хүлээнэ.

Монгол Улсын хууль тогтоомжид заасан үндэслэл, журам болон төрийн эрх бүхий байгууллагын албан ёсны шаардлагын дагуу хэрэглэгчийн мэдээллийг холбогдох байгууллагад гаргаж өгөх боломжтой.

Мэдээлэл хариуцагч нь энэхүү Нууцлалын бодлогод зааснаас бусад тохиолдолд хэрэглэгчийн хувийн мэдээллийг гуравдагч этгээдэд задруулах, нийтэд ил болгохгүй бөгөөд мэдээллийн нууцлал, аюулгүй байдлыг хамгаалах үүрэгтэй.

4. Күүки

Бид хэрэглэгчийг системд нэвтэрсэн хэвээр хадгалах, сагсны мэдээллийг санах, вэбсайтын ашиглалтыг хэмжих, хэрэглэгчийн туршлагыг сайжруулах болон платформын зарим онцлог үйлдлийг дэмжих зорилгоор "cookie" болон түүнтэй төстэй технологиудыг ашигладаг. Хэрэглэгч өөрийн вэб хөтчийн тохиргоогоор күүки ашиглалтыг хязгаарлах, устгах эсвэл бүрэн хаах боломжтой хэдий ч энэ нь вэбсайтын зарим функц, үйлчилгээ хэвийн ажиллахгүй байх нөхцөл үүсгэж болзошгүй.

5. Хадгалалт

Бид хэрэглэгчийн мэдээллийг үйлчилгээ үзүүлэх, захиалга болон төлбөрийн гүйлгээг боловсруулах, хууль тогтоомжид заасан үүргийг биелүүлэх, маргаан шийдвэрлэх болон үйлчилгээний нөхцөлийг хэрэгжүүлэхэд шаардлагатай тус бүрийн хугацаа болон хүрээнд хадгална.

Та өөрийн хувийн мэдээлэлд хандах, түүнийг засварлах, устгах, боловсруулахыг хязгаарлах болон холбогдох хууль тогтоомжид заасан бусад эрхээ хэрэгжүүлэх хүсэлт гаргах эрхтэй.

6. Бусад

Мэдээлэл хариуцагч нь энэхүү Нууцлалын бодлогод нэмэлт, өөрчлөлт оруулах эрхтэй бөгөөд өөрчлөлт орсон тохиолдолд тухай бүр вебсайт дээр нийтэд нээлттэйгээр байршуулна. Хэрэглэгч нь Нууцлалын бодлогын шинэчлэлт, өөрчлөлттэй тогтмол танилцах үүрэгтэй болно.